এইখনি গাঁও বুকুৰ আপোন
ইয়াতে দেখোঁ নতুন সপোন
কোনে জুমি চাই জুৰিত দাপোণ
ফুলৰ পাতৰ সাজোন-কাচোন
এই গাঁও আপোন আপোন
এই গাঁও নিচেই আপোন ।
আগলি বাঁহত বগলী নাচিছে, আগলি বাঁহত বগলী নাচিছে
আলফুলেকৈ কঁহুৱা হালিছে
মুখে মুখে হাঁহি দেখোন, মুখে মুখে হাঁহি দেখোন
ফুলৰ পাতৰ সাজোন-কাচোন
এই গাঁও আপোন আপোন
এই গাঁও নিচেই আপোন ।
সৰু বৰ নাই ই গাঁৱত সমূলি, সৰু বৰ নাই ই গাঁৱত সমূলি
উলাহত বওঁ উদুলি-মুদুলি
চেনেহৰ এই বান্ধোন, চেনেহৰ এই বান্ধোন
ফুলৰ পাতৰ সাজোন-কাচোন
এই গাঁও আপোন আপোন
এই গাঁও নিচেই আপোন ।।