স্ত্ৰীঃ
কি নাম দি মাতিম
মাতিম তোমাক ?
নিবিড় গোপন কিযে মায়া !
কি নামৰে সোণ পৰশত
স্বৰ্ণালীহৈ হিয়া ।
পুঃ
যি নাম দি মাতা
সেয়ে মিঠা
জীৱন মৰুৰ তুমি ছাঁয়া !
চম্পা বনৰ
সুবাস লাগি
উন্মনা মন হিয়া ।
স্ত্ৰীঃ
কি নাম দি মাতিম, মাতিম তোমাক ...
স্ত্ৰীঃ
মন আজি মোৰ যায় হ’বলৈ
পলাশৰ এটি ফুল
বনতে সৌ !
পুঃ
মন আজি মোৰ যায় হ’বলৈ
পলাতক এটি ভুল
বিচাৰি মৌ !
স্ত্ৰীঃ
প্ৰজাপতি মন
হয় উন্মন
ফুলে ফুৰে উৰণীয়া !
পুঃ
চম্পা বনৰ
সুবাস লাগি
উন্মনা মন হিয়া !
স্ত্ৰীঃ
কি নাম দি মাতিম, মাতিম তোমাক ...
স্ত্ৰীঃ
স্বপ্ন দিলা দুই নয়নত
ছন্দ যি মনত গোপনে মোৰ ।
পুঃ
তুমি দিলা মোক শিহৰণ
ৰিক্ত হৃদয়ত
সিঁচিলা ফুল !
স্ত্ৰীঃ
মনৰে ময়ূৰ
স্বপ্ন বিভোৰ
ৰঙে ৰঙে মোহনীয়া !
পুঃ
চম্পা বনৰ
সুবাস লাগি
উন্মনা মন হিয়া !
স্ত্ৰীঃ
কি নাম দি মাতিম
মাতিম তোমাক ?
নিবিড় গোপন কিযে মায়া !
কি নামৰে সোণ পৰশত
স্বৰ্ণালী হয় হিয়া ।
পুঃ
যি নাম দি মাতা
সেয়ে মিঠা
জীৱন মৰুৰ তুমি ছাঁয়া !
চম্পা বনৰ
সুবাস লাগি
উন্মনা মন হিয়া ।।