ৰ’দালি এ ৰ’দ দে ৰ’দ দে
সোণৰ ৰেণু চতিয়াই দে
ৰ’দালি এ ৰ’দ দে ৰ’দ দে
সোণৰ ৰেণু চতিয়াই দে
নানা ফুলে তুলি আঁজলি আঁজলি
ভৰাই সপোনৰ থালকে
ৰ’দালি এ ৰ’দ দে ৰ’দ দে
সোণৰ ৰেণু চতিয়াই দে
আলি কাটি জালি দিম
বৰপীৰা পাৰি দিম
তাতে বহি বহি ৰ’দ দে
নানা বৰণীয়া তোৰে বৰ চ’ৰাতে
বহি বহি ধৰণী সোণৰ কৰি দে
ৰ’দালি এ ৰ’দ দে ৰ’দ দে
সোণৰ ৰেণু চতিয়াই দে
ৰ’দালি এ ধুনীয়াকৈ সাতো ঘোঁৰাৰ
ৰথখনি মেলি দে
ৰ’দালি এ ধুনীয়াকৈ সাতো ঘোঁৰাৰ
ৰথখনি মেলি দে
সেই ৰথৰ পৰা
হাঁহি ফুলৰ পাহি আমাৰ
শিৰত পেলাই দে
সেই ৰথৰ পৰা
হাঁহি ফুলৰ পাহি আমাৰ
শিৰত পেলাই দে
ৰ’দালি এ ৰ’দ দে ৰ’দ দে
সোণৰ ৰেণু চতিয়াই দে
নানা ফুলে তুলি আঁজলি আঁজলি
ভৰাই সপোনৰ থালকে
ৰ’দালি এ ৰ’দ দে ৰ’দ দে
সোণৰ ৰেণু চতিয়াই দে ।।