জীৱনৰ লগন কৰা অনুপম
প্ৰতিটো প্ৰহৰ তুমি পূৰ্ণ কৰা
হাঁহিৰ সুৰভিৰে মনৰ সাহসেৰে
অশ্ৰু বিন্দুবোৰ মুক্তা কৰা ।
যাতনাৰে কাঁইটীয়া এই পৃথিৱীতে
শূন্য শূন্য লগা মৰুৰ বুকুতে
উচুপি উঠে জীৱনে
মিঠা মৰমেৰে জীৱনৰ সুবাসেৰে
হৃদয় পাত্ৰটি পূৰ্ণ কৰা
ধৰাৰ ধূলিকে তুমি পূৰ্ণ কৰা ।
নোপোৱা নোপোৱা পৰিৱেশতে
অস্থিৰ অশান্ত এই যুগতে
উচুপি উথে জীৱনে
আশাৰ পোহৰেৰে অলপ বিশ্বাসেৰে
ৰিক্ত প্ৰহৰ তুমি পূ্ৰ্ণ কৰা
জীৱন বোধেৰে মন সিক্ত কৰা
জীয়াই থকাৰ যাদু বিচাৰি লোৱা ।।