টিলাই টিলাই
ঘূৰি ফুৰে উলাহেৰে
খাম্টি ছোৱালী ।
ঘন কলীয়া মেঘৰে
আঁৰে আঁৰে
ৰং মনৰে খেলি ফুৰে
নাচনী বিজুলী ।
টিলাই টিলাই ...
বনৰে বনৰীয়া
দেখাতে ধুনীয়া দেখি
থমকি থমকি নাচে তাই
টিংতে উজ্বলি ।
টিলাই টিলাই ...
পোৱালৰ ৰঙা মণি
তাইৰে গাল দুখনি
বুকুত লৰি আভা ঢালি
কৰে ৰাঙলী
লাজতে লাজুকী তাই
মিচিকি হাঁহিৰে তাই
দুটি নয়নৰ পাহি মেলি
খাম্টি ছোৱালী ।
কাষ চাপোতেই
তাৰে বুকুত পৰে ঢলি
খাম্টি ছোৱালী ।
টিলাই টিলাই ...