মোৰ মন

মোৰ মন দুচকুত
অসহায় অকলশৰে
মোৰ স্পৰ্শ মোৰ আকাশ
আছেই একেথৰে
মোৰ মন মোৰ বুকুত
লিখে একেই আখৰে
মোৰ মন মোৰ ছবি
আঁকে একেই সাঁথৰে ...
মোৰ মন দুচকুত
অসহায় অকলশৰে
মোৰ স্পৰ্শ মোৰ আকাশ
আছেই একেথৰে ।

মোৰ আঁউসীৰ জোনে
আজি পোহৰ বিচাৰে
মোৰ স্বপ্ন ভৰা গানে
ওঁঠেৰে নিগৰে
মোৰ ডেউকাৰ ক’লা ৰং
শুভ্ৰ হ’ব খোজে
মোৰ কাজলী ৰাতি
বৰ্ণিল হ’ব খোজে ...

মোৰ মন দুচকুত
অসহায় অকলশৰে
মোৰ স্পৰ্শৰ বৰ আকাশ
বিচাৰা নিজৰ দৰে
মোৰ মন হয় পাথৰ
খুন্দি খুন্দি ভিতৰে
মোৰ তীব্ৰ কোলাহল
ৰঁচে একেই সাঁথৰে ।

মোৰ মন দুচকু
অসহায় অকলশৰে
মোৰ স্পৰ্শৰ বৰ আকাশ
বিচাৰা নিজৰ দৰে ...

মোৰ মন দুচকুত
অসহায় অকলশৰে
মোৰ স্পৰ্শ মোৰ আকাশ
আছে একেথৰে ।।