অসমীয়া গীতৰ কথা — স্বৰগম সংগ্ৰহ
নিৰ্মলপ্ৰভা বৰদলৈ
আকৌ নতুন প্ৰভাত হ’ব
কালৰাতি এই নাথাকিব
নিউ নিউ কৰা ফেঁচাৰ চিঞৰ
শিয়ালৰ ৰাও আঁতৰিব
আকৌ নতুন ...
আকৌ নতুন প্ৰভাত হ’ব
কালৰাতি এই নাথাকিব
অন্ধকাৰৰ ডাইনী ভূতৰ
বক্ষ পোহৰে বিদাৰিব ।
আকৌ নতুন প্ৰভাত হ’ব
কালৰাতি এই নাথাকিব
জয়াল ৰাতিৰ বিভীষিকাবোৰে
সাহ জুই দেখি পলাই যাব ।
আকৌ নতুন প্ৰভাত হ’ব
দীপ্ত সূৰ্য জিলিকিব
সেই ৰশ্মিয়ে নিঠৰ যুগক
নতুন গতি আনি দিব ।।