জিল মিল জোন জ্বলে কপালত
তিৰবিৰ তৰা জ্বলে নয়নত
মোৰো যে হৃদয় জ্বলে
তোমাৰেই নিবিড় মৰমত ।
তোমাৰ ওৰণিৰ আঁৰত
উচুপে উদাসী চকু
তোমাৰে ৰিহাৰে আঁৰত
কঁপিছে মৰমী বুকু
তোমাৰ সপোন ইমান আপোন
তোমাৰ সপোন ইমান আপোন
উজাগৰী নয়নত
তোমাৰেই নিবিড় মৰমত ।
মোৰ তুলসী তলত
জ্বলাবা এগছি চাকি
মোৰেই বুকুৰ মাজত
উজাগৰে ৰ’বা ৰাতি
পাখি মেলিলা সোণ পখিলা
পাখি মেলিলা সোণ পখিলা
মোৰ এই জীৱন বনত
তোমাৰেই নিবিড় মৰমত ।।
Hits: 3156